My Cart
$0.00
Blog

Media Coverage: Next Plus 壹週Plus

在傳媒行業工作超過十六年的Alexis,一向熱衷製作朱古力,更發展自家品牌Chocoyou,獲得一致好評,更創一星期賣過千盒佳績,但他透露公司成立兩年左右,就遇上樽頸,「聖誕、情人節同新年都賣得好好,但平日生意就比較差,同埋當時網上購物比較新,客人都唔係太信,始終佢哋都想試咗先,所以比較難吸新客。」
當時Alexis開始考慮將生意結束,重新打工之際,發現飼養多年的八哥Phoebe患上癌症,「兩個月之後,佢就離開咗。我就覺得好奇怪,因為喺喉嚨生,佢又唔食煙,係咩原因?我就做咗好多研究,發現原來狗糧都有好多致癌物質,原來香港有兩成半狗糧都係有致癌物質,嗰時Phoebe食嘅係其中一款。」

他指不少工廠製造狗糧,都用上不能給人類食用的棄置肉類再加工,狗隻長期食用對身體有一定影響,於是開始埋首研究如何自家製新鮮狗糧。之後更與在澳洲做動物營養師的朋友合作,一起研發了餐單。

Alexis指,他自己的狗隻吃了自製狗糧之後健康明顯好轉,決定再創立品牌Dogalicious,推自家狗糧生意,「雞我哋都會放藍莓,對佢哋眼都好有益,另外一樣很主要材料就係亞麻籽油,佢有好高嘅OMEGA-3,對狗隻消化系統同毛髮都好有幫助,所有食物來源人都可以食得,唔會嚟自中國,我哋都會好小心。」

 

現時每星期Alexis都會親自到工場烹調狗糧,他就指因為自己都是愛狗之士,不會感到「降呢」。而自製狗糧平均每星期二百元,比一般狗罐頭貴,但不少狗主都覺得值得,其中Johnathan指出:「是比較貴,但狗狗看醫生次數少了,相比起更節省金錢。」

 

狗糧品牌開始兩個月,現有狗隻「客戶」已達三十名,Alexis希望短期內能增至一百隻。他表示,煮狗糧時仍不時回想以往與Phoebe的日子,「如果一個人日日食罐頭、午餐肉都無益,狗都係一樣,如果我早啲發現嘅話,俾啲新鮮食物佢食嘅話,可能佢嘅生命就可以更加長。」

Leave your thought

Dogalicious 狗狗鮮食
FREE Trial 免費試食
Enter your email to get the Trial Variety Packs (5x50g) FREE -- 輸入電郵領取試食鮮食包(5x50g)一套
    Get it now! 立即試食!